Ameriko.org

Amerika Komisiono estis starigita de Universala Esperanto-Asocio (UEA) en 1994, dum la 79-a Universala Kongreso de Esperanto, en Seulo, por prizorgi la E-movadon en amerikaj landoj. Ĝi intensigas la kunlaboron inter la landaj movadoj en Ameriko kaj dediĉas specialan atenton al grupoj kaj izoluloj en landoj kie ankoraŭ ne ekzistas memstara movado.

La Komisiono, kiel instanco de UEA, ankaŭ helpas efektivigi ĝiajn celojn, kiuj estas:

• disvastigi la uzadon de la Internacia Lingvo Esperanto;
• agadi por la solvo de la lingva problemo en internaciaj rilatoj kaj faciligi la internacian komunikadon;
• plifaciligi la ĉiuspecajn spiritajn kaj materiajn rilatojn inter la homoj, malgraŭ diferencoj de nacieco, raso, sekso, religio, politiko aŭ lingvo;
• kreskigi inter siaj membroj fortikan senton de solidareco kaj disvolvi ĉe ili la komprenon kaj estimon por aliaj popoloj.

Fondaĵo 'Ameriko' ĉe UEA kreskas kapitalon por fortigi esperantan movadon en la amerika kontinento. Por donaci al ĝi, bonvole unue klaku ĉi-tien.

Laborplano 2001-2010 de Amerika komisiono troviĝas ĉi-tie

Komisionanoj

Maritza Gutierrez González kunordiganto Kubo	Atilio Orellana Rojas membro Argentino	Boris-Antoine Legault membro Kanado	James Rezende Piton membro Brazilo
Martin Schäffer membro Meksiko	Ruben Sanchez membro Argentino	Steve Brewer membro Usono